އެފްއޭއެމްގެ ފައިސާއަށް ޚިޔާނަތްތެރިވެ، އެފްއޭއެމްގެ ކުރީގެ ރައީސް ބައްސާމް އަދީލް ޖަލީލްގެ މައްޗަށް ތުހުމަތު ކުރެވޭ ޚިޔާނާތާއި މަނީ ލޯންޑްރިންގެ އިތުރު ދެ ދައުވާއެއް އަނެއްކާވެސް އޭނާގެ މައްޗަށް ސާބިތުވެއްޖެއެވެ.

މިހާރުވެސް ނުވަ އަހަރުގެ ޖަލު ހުކުމެއް ތަންފީޒު ކުރަމުންދާ ބައްސާމްގެ މައްޗަށް ޚިޔާނާތާއި މަނީ ލޯންޑްރިންގެ އިތުރު ދައުވާތަކެއް ކުރަނީ ފީފާއިން އެފްއޭއެމްއަށް ފޮނުވި 1.2 މިލިއަން ޑޮލަރު ނުވަތަ 18 މިލިއަނަށް ވުރެ ގިނަ ރުފިޔާއަށް ބައްސާމް ޚިޔާނާތްތެރިވެ، އެ ފައިސާ ބޭނުންކުރި ކަމަށް ބުނާ މައްސަލައިގައެވެ.

މި 1.2 މިލިއަން ޑޮލަރަކީ ކޮވިޑް-19ގައި ކްލަބްތަކަށް ދިމާވީ މާލީ ދަތިކަން ހައްލުކޮށްދޭން ކަމަށް ބުނެ ފީފާއިން ނެގި 'ކޮވިޑް ރިލީފް ލޯނު'ގެ ފައިސާ ކަމަށް ދައުލަތުން ވަނީ ތުހުމަތުކޮށްފައެވެ. އަދި އެ ފައިސާ، ބައްސާމް ބޭނުންކޮށްފައި ވަނީ އަމީން ކޮންސްޓްރަކްޝަނުން ދެ ޕެންޓްހައުސް ގަތުމަށް ކަމަށް ވެސް ދައުވާގައި ވެއެވެ.

މައުޟޫޢުތަށް