ދުބާއީ ޕޯޓްސް ވޯލްޑް (ޑީޕީ ވޯލްޑް)އަށް ތިލަފުށީގައި ހަދާ ބަނދަރު ވިއްކަން އުޅޭކަމަށް ބުނެ ދައްކަނީ ދޮގު ވާހަކަތަކެއް ކަމަށާއި، ރާއްޖޭގައި ބަޔަކު އިންވެސްޓުކުރަން ޕްރޮޕޯސަލެއް ހުށަހަޅާ ކޮންމެ ފަހަރަކީ އަދި ސަރުކާރުން އެކަމެއް ކުރުމެއް ނޫން ކަމަށް ވިދާޅުވެ، ފާޑުކިޔުންތަކަށް ފިނޭންސް މިނިސްޓަރު މޫސާ ޒަމީރު މިއަދު ރައްދު ދެއްވައިފިއެވެ.

ވިޔަފާރި ބަނދަރު ހިންގުމަށް ބޭރުގެ ކުންފުންޏަކަށް ދިނުމަށް ސަރުކާރުން އެކި ލެވަލްގައި މަޝްވަރާތައް ކުރަމުންދާ ކަމުގެ އަޑުތައް މިފަހުން ވަނީ ގަދަވެފައެވެ.

ހއ. ދިއްދޫގައި މިއަދު ހަވީރު އޮތް އެއާޕޯޓު ތަރައްގީކުރުމަށް ބިން ހިއްކުމުގެ ރަސްމިއްޔާތު ޝަރަފުވެރިކޮށްދެއްވައި ވާހަކަދައްކަވަމުން ޒަމީރު ވިދާޅުވީ މާލޭގެ ޕޯޓުގެ ވާހަކަ މީޑިއާތަކުގައި އެނބުރޭތާ ދެތިން ދުވަސް ވެއްޖެ ކަމަށެވެ. ނަމަވެސް ހަގީގަތަކީ ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގަތް ފަހުން އިގްތިސޯދަށް އައި ހެޔޮ ބަދަލާހުރެ، ދުނިޔޭގެ ވަރަށް ގިނަ ކުންފުނިތަކުން ރާއްޖޭގައި އިންވެސްޓުކުރަން ބޭނުންވުން ކަމަށް ޒަމީރު ވިދާޅުވިއެވެ.

މައުޟޫޢުތަށް