ދެ އިންތިޚާބު އެއްކޮށްލަނީ ވެރިކަން ދިފާއުކުރަން، މިއީ އަމިއްލަ ދަހިވެތި ކަމުގައި ގައުމު ފުން ވަޅުގަނޑަކަށް ވައްޓާލުން: ފައިޞަލް
ސަން
6 ޖެނުއަރީ 2026 | އަންގާރަ | 6:42
މައި ދެ އިންތިޚާބު ކަމަށްވާ ރިޔާސީ އިންތިޚާބާއި ރައްޔިތުންގެ މަޖިލިސް އިންތިޚާބު އެއްކޮށްލަން އުޅެނީ ވެރިކަން ދިފާއުކުރުމަށްޓަކައި ކަމަށާއި، އެކަމަކީ އަމިއްލަ ދަހިވެތި ކަމުގައި ޤައުމާއި ރައްޔިތުން ފުން ވަޅު ގަނޑަކަށް ވައްޓާލުން ކަމަށް ވިދާޅުވެ ކުރީގެ ނައިބު ރައީސް ފައިޞަލް ނަސީމް ކަންބޮޑުވުން ފާޅުކުރައްވައިފިއެވެ.
'އެކްސް'ގައި ފައިޞަލް މިއަދު ލިޔުއްވި ދިގު ޕޯސްޓެއްގައި ވަނީ، ރައްޔިތުންގެ މަޖިލީހަކީ ސަރުކާރަށް ފާރަވެރިވެ ޖަވާބުދާރީކުރުވަން އޮންނަ ބާރެއްކަން ފާހަގަކުރައްވައިފައެވެ. އަދި ޒިންމާދާރު މަޖިލީހެއް އޮތުމުން އެއީ ރައްޔިތުންނަށް ފައިދާ ކުރާނެ ކަމަށް ފައިޞަލް ވިދާޅުވިއެވެ.
މައި ދެ އިންތިޚާބު ކަމަށްވާ ރިޔާސީ އިންތިޚާބާއި ރައްޔިތުންގެ މަޖިލީހުގެ އިންތިޚާބު އެއްކޮށްލައި، މިހިނގާ ވިހިވަނަ މަޖިލީހުގެ މުއްދަތު ކުރުކޮށްލަން ޤާނޫނުއަސާސީއަށް މި ހަފުތާގައި ސަރުކާރުން އިސްލާހު ހުށަހެޅީ އެހެން މަގުސަދެއްގައި ކަމަށް ފައިޞަލް ސިފަކުރެއްވިއެވެ. އެމަނިކުފާނު ވިދާޅުވި ގޮތުގައި، ވޭތުވެދިޔަ ދޮޅު އަހަރުގައި ޤާނޫނުއަސާސީއާއި ޤާނޫނުތަކަށް ބަދަލުތައް ގެންނަނީ ދައުލަތުގެ ހުރިހާ ބާރުތަކެއް ސަރުކާރުގެ މުށުތެރެއަށް ލުމުގެ ބޭނުމުގައެވެ.