"ވިޔަފާރީތަކަށް ދަރާފައިވާ ފައިސާ ރޯދައިގެ ކުރިން ދިނުމުގެ މަސައްކަތް އެބަކުރޭ"
ސަން
7 ޖެނުއަރީ 2026 | ބުދަ | 12:29
ސަރުކާރުން ކުދި އަދި އަމިއްލަ ވިޔަފާރިތަކަށް ދަރައިފައިވާ ފައިސާ ދިނުމަށް ރައީސް ޑރ. މުޙައްމަދު މުއިއްޒު އިއުލާނު ކުރެއްވި ތިންވަނަ ތާރީޚު ކަމަށްވާ، އަންނަ ރޯދައިގެ ކުރިއަަށް ދިނުމަށް މަސައްކަތްކުރަމުން އަންނަކަމަށް ފިނޭންސް މިނިސްޓްރީން މިއަދު ބުނެފިއެވެ.
ގިނަ ވިޔަފާރިވެރިންގެ އެންމެ ބޮޑު ކަންބޮޑުވުމަކީ ސަރުކާރަށް ކޮށްދީފައި ހުރި މަސައްކަތްތަކަށް ފައިސާ ނުލިބި ގިނަ ދުވަސްވުމެވެ. މިދިޔަ މަހުގެ 17ވަނަ ދުވަހު ކުދި އަދި މެދުފަންތީގެ ވިޔަފާރިވެރިންނާއެކު ރައީސް ވަނީ ބައްދަލުވުމެއް ބާއްވަވައިފައެވެ. އެ ބައްދަލުވުމުގައި ވެސް އެތައް ވިޔަފާރިވެރިއަކު އެ ކަންބޮޑުވުން ހިއްސާކުރިއެވެ.
ސަރުކާރުން ނުދައްކައިހުރި ފައިސާގެ ތެރޭ އަހަރަކަށްވުރެ ގިނަ ދުވަސްވެފައި ހުރި އެތައް މިލިއަން ރުފިޔާއެއްގެ ބިލުތައް ވެސް ހިމެނެއެވެ. އެ ވިޔަފާރިވެރިން ވަނީ ލިބެންޖެހޭ ފައިސާއާއި އެ ވިޔަފާރިވެރިން ދައްކަންޖެހޭ ޓެކުހާ ލާޖައްސައިގެން ނަމަވެސް އެ މައްސަލަ ހައްލުކޮށްދޭން އެދިފައެވެ.