ހުއްދަ ނެތި ސަފާރީގައި ބަނގުރަލުގެ ވިޔަފާރިކުރުން: ހައްޔަރުކުރި ލަންކާ ދެ މީހުން ޝަރުތަކާ ނުލައި ދޫކޮށްލައިފި
ސަން
10 ޖެނުއަރީ 2026 | ހޮނިހިރު | 7:45
އާ އަހަރާ ދިމާކޮށް، ހުޅުމާލޭ ފަޅުގައި އޮތް ސަފާރީއެއްގައި ގަވާއިދާ ޚިލާފަށް ބަނގުރަލުގެ ވަގު ވިޔަފާރި ކުރަމުންދިޔަ ބަޔަކު ކަމަށް ބުނެ ހައްޔަރު ކުރި ގްރޫޕުގައި ހިމެނޭ ލަންކާ ދެ މީހުން، ފުލުހުން އަމަލު ކުރި ގޮތުން ކޯޓުން ދޫކޮށްލައިފިއެވެ.
ޑިސެމްބަރު 31 ވަނަ ދުވަހު، ހުޅުމާލޭ ފަޅުގައި އޮތް ސަފާރީއަކުން ފަސް މީހުން ހައްޔަރުކޮށްފައި ވަނީ ކައުންޓާ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަންގައި ކަމަށް ފުލުހުން ބުނެފައިވެއެވެ.
އެ އޮޕަރޭޝަންގައި ކޯޓު އަމުރެއްގެ ދަށުން އެ ސަފާރީ ބަލައިފާސްކުރިއިރު 102 ފުޅި ބަނގުރާ އަދި 218 ދަޅު ބަނގުރާ ފެނިފައިވާ ކަމަށް ފުލުހުން ވަނީ ކުރިން ބުނެފައެވެ.