ތުޅާދޫގައި އިމާރާތްކުރި 100 ފުލެޓަށް ކުރިމަތިލާން މިއަދުން ފެށިގެން ތިން މަސް ދީފި
ސަން
11 ޖެނުއަރީ 2026 | އާދިއްތަ | 2:18
ބ. ތުޅާދޫގައި އެމްޑީޕީގެ ސަރުކާރުން އިމާރާތްކުރި ފުލެޓުތަކަށް ކުރިމަތިލުމަށް ހުޅުވާލަނީ ކުރިއަށް އޮތް ލޯކަލް ކައުންސިލު އިންތިޚާބަށް ނުފޫޒު ފޯރުވަން ކަމަށް އިދިކޮޅު އެމްޑީޕީން ތުހުމަތުކޮށްފައި ވަނިކޮށް، ފުލެޓުތަކަށް ކުރިމަތިލާން ސަރުކާރުން މިއަދު ހުޅުވާލައި، ތިން މަސް ދުވަހުގެ މުއްދަތެއް ދީފިއެވެ.
ހައުސިން މިނިސްޓްރީން ގެޒެޓުގައި އާންމުކުރި މައުލޫމާތުގައި ވަނީ، ތުޅާދޫގައި އިމާރާތްކުރި ސަތޭކަ ފުލެޓު ދޫކުރާނީ މިދިޔަ ނޮވެންބަރު މަހުގެ މެދުތެރޭ ސަރުކާރުން އިފްތިތާހުކުރި "ބޯހިޔާވަހިކަން އެންމެންނަށް"، މި ސިޔާސަތުގެ ދަށުން ކަމަށެވެ.
ފުލެޓުތަކަށް ކުރިމަތިލާން އެދޭ ފަރާތްތަކަށް ހައުސިން މިނިސްޓްރީގެ ހިޔާވަހި ޕޯޓަލް މެދުވެރިކޮށް ކުރިމަތިލުމަށް، މިއަދުން ފެށިގެން އޭޕްރިލް މަހުގެ 11ވަނަ ދުވަހުގެ ނިޔަލަށް ވަނީ ހުޅުވާލައިފައެވެ.