ގަވާއިދާ ހިލާފަށް ރާއްޖޭގައި ސިނގިރޭޓްގެ ވިޔަފާރި ކުރާ ކަމުގެ ތުހުމަތުގައި ހައްޔަރު ކުރި ބަންގްލަދޭޝް މީހާގެ ބަންދަށް އިތުރު 15 ދުވަސް އިއްޔެ ޖަހައިފިއެވެ.

މިދިޔަ ޑިސެންބަރު މަހުގެ 26 ވަނަ ދުވަހުގެ ރޭ, މި މައްސަލައިގައި ހައްޔަރުކޮށްފައި ވަނީ، ބަންގްލަދޭޝްއަށް ނިސްބަތްވާ 44 އަހަރުގެ ޝުކޫރު އަލީއެވެ. އޭނާ ހައްޔަރު ކުރީ އާ އަހަރު ފެށުމާ ގުޅުވައި ފުލުހުން މާލޭގައި ކުރިއަށް ގެންދިޔަ ޚާއްސަ އޮޕަރޭޝަން "ރިވެލި"ގެ ތެރެއިންނެވެ.

އޭނާގެ އަތުން ވަނީ 10 ސިނގިރޭޓް ފޮއްޓާއި 3200 އަށްވުރެ ގިނަ ޔޫއެސް ޑޮލަރާއި 2900 އަށްވުރެ ގިނަ ދިވެހި ރުފިޔާ ފެނިފައެވެ. އޭގެއިތުރަށް، އޭނާ އުޅެމުންދިޔަ ތަން ބަލައިފާސް ކުރުމުން ވަނީ 32 ކާޓަން ސިނގިރޭޓާއި 13 ފޮށި ސިނގިރޭޓް ފެނިފައި ކަމަށް ފުލުހުން ބުންޏެވެ.

މައުޟޫޢުތަށް