އޭޕްރީލް މަހުގެ ހަތަރުވަނަ ދުވަހު ބާއްވާ ލޯކަލް ކައުންސިލްތަކުގެ އިންތިޚާބާ ގުޅިގެން ހިންގާ ރިޝްވަތުގެ އަމަލުތަކުން ދުރުހެލިވެ، އެ ފަދަ އަމަލެއް ހިންގާނަމަ, އެންޓި ކޮރަޕްޝަން ކޮމިޝަން (އޭސީސީ)އަށް ރިޕޯޓުކުރަން އެ ކޮމިޝަނުން މިއަދު އެދިއްޖެއެވެ.

އިންތިޚާބުތަކާ ގުޅިގެން ކޮރަޕްޝަނާއި ރިޝްވަތުގެ އަމަލުތައް ގިނަވާކަމުގެ ޝަކުވާ އަބަދު ވެސް އިވެއެވެ.

އޭސީސީން މިއަދު ނެރުނު ބަޔާނެއްގައި ބުނީ، ބައެއް އިންތިޚާބުތަކުގައި ކެންޑިޑޭޓުންނަށް ތާއީދު ހޯދުމަށާއި ވޯޓު ދިނުމުގެ ހައްގު އަދާކުރަން ރިޝްވަތުގެ މުއާމަލާތް ހިންގާކަން ފާހަގަކުރެވިފައިވާ ކަމަށެވެ. އެއީ، ދައުލަތުގެ މުއައްސަސާތަކާއި އިދާރާތަކަށް ރައްޔިތުން ކުރާ އިތުބާރު ގެއްލޭ ކަމެއް ކަމަށް ވެސް އޭސީސީން ބުންޏެވެ.

މައުޟޫޢުތަށް