ކުޑަކުދިން ބޮޑުވަނީ އެ ކުދިން ބަލައިގަންނަ މާހައުލެއްގައިކަން ކަށަވަރުކުރަން ރާއްޖޭން އަބަދުވެސް އިސްކަންދޭ: އުޝާމް
ސަން
14 ޖެނުއަރީ 2026 | ބުދަ | 8:37
ކުޑަކުދިން ހެދި ބޮޑުވަނީ ކަންކަމުގައި އެ ކުދިން ދެކޭ ގޮތް ބަލައިގަންނަ މާހައުލެެއްގައި ކަން ކަށަވަރުކުރުމަށް ރާއްޖޭން އަބަދުވެސް އިސްކަން ދޭ ކަމަށް، ބަންޑާރަނައިބު އަޙްމަދު އުޝާމް ވިދާޅުވެއްޖެއެވެ.
ކުޑަކުދިންގެ ހައްގުތަކާ ބެހޭ ބައިނަލްއަގުވާމީ މުއާހަދާގެ ދަށުން، 2021ވަނަ އަހަރު ރާއްޖޭން ހުށަހެޅި ރިޕޯޓު، އދ. ގެ ކުޑަކުދިންނާ ބެހޭ ކޮމިޓީން މުރާޖައާކުރުމަށް މިދިޔަ ދެ ދުވަހު ބޭއްވި ސެޝަންގައި ވާހަކަ ދައްކަވަމުން އުޝާމް ވިދާޅުވީ، ކުޑަކުދިންނަކީ ރާއްޖޭގެ މުސްތަގުބަލު ކަމަށެވެ.
ކޮންމެ ކުއްޖަކުވެސް ބޮޑުވަނީ ރައްކާތެރިކަމާއި ކަރާމާތް ލިބިގެންކަމުގައި އެ ކުދިން ދެކޭ ގޮތް ބަލައިގަންނަ މާހައުލެއްގައިކަން ކަށަވަރުކުރަން ރާއްޖޭން އަބަދުވެސް އިސްކަން ދޭނެ ކަމަށާއި، ކުޑަކުދިންނަށް ރައްކާތެރި، އަދި އެ ކުދިންނަޑް އިހުތިރާމްކުރާ މާހައުލެއް ހޯދައިދިނުމަށް ސަރުކާރުން އަބަދުވެސް މަސައްކަތްކުރާ ކަމަށް އޭނާ ވިދާޅުވިއެވެ.