އަންނަ އޭޕްރިލް މަހުގެ ހަތަރުވަނަ ދުވަހު އޮންނަ ލޯކަލް ކައުންސިލު އިންތިޚާބުގައި އިދިކޮޅު އެމްޑީޕީން ވާދަކުރާ ކެންޑިޑޭޓުން ހޮވުމަށް ބާއްވާ ޕްރައިމަރީއަށް ގާތްގަނޑަކަށް ތައްޔާރުވެ ނިމިއްޖެ ކަމަށާއި، ސުލްހަވެރިކަމާއެކު އިންތިޚާބުގެ ކަންކަން ނިމިގެން ދާނެ ކަމަށް އުންމީދުކުރައްވާ ކަމަށް، އެ ޕާޓީގެ އިންތިޚާބުތަކާ ބެހޭ ކޮމިޓީގެ މުގައްރިރު މުޙައްމަދު ފަލާޙް މިރޭ ވިދާޅުވެއްޖެއެވެ.

ޖުމުލަ 154 ކެންޑިޑޭޓުން ވާދަކުރާ މި ޕްރައިމަރީ އޮންނާނީ މާދަމާ މެންދުރުފަހު 2:30އިން ފެށިގެން ރޭގަނޑު އަށެއް ޖަހަންދެންނެވެ.

އެމްޑީޕީން މާދަމާ ބާއްވާ ޕްރައިމަރީގައި ރަށްރަށުގެ އިތުރުން މާލޭގައި ރަށްރަށުގެ ފޮށިތައް ބަހައްޓަނީ މަޖީދިއްޔާ ސުކޫލުގައެވެ. މަޖީދިއްޔާ ސްކޫލުގެ އިތުރުން މާލޭގައި ދެން ފޮށިތައް ބަހައްޓަނީ އިސްކަންދަރު ސްކޫލާއި ހިރިޔާ ސްކޫލާއި ގަލޮޅު މަދަރުސާގައެވެ. އަދި ވިލިމާލޭގެ ފޮށި މުޙްޔިއްދީން ސްކޫލުގައި ބަހައްޓާއިރު، ހުޅުމާލެ މެދާއި ދެކުނު ދާއިރާތަކުގެ ފޮށިތައް ޣާޒީ ސްކޫލުގައި، އަދި ހުޅުމާލޭ އުތުރު ދާއިރާގެ ފޮށި ބަހައްޓަނީ ކާމިލު ދީދީ ސްކޫލުގައެވެ.

މައުޟޫޢުތަށް