މިއީ އެމްޑީޕީ ތާރީޚުގައި ވެސް އެންމެ އޮމާން އިންތިޚާބު، އެންމެން މިތިބީ އެކީ: ޣަފޫރު
ސަން
16 ޖެނުއަރީ 2026 | ހުކުރު | 10:16
މިއީ އިދިކޮޅު އެމްޑީޕީގެ 20 އަހަރުގެ ދިގު ތާރީޚުގައި ވެސް އެންމެ ރަނގަޅަށް ކަންކަންދިޔަ އެތެރޭގެ އެއް އިންތިޚާބުކަމަށް އެ ޕާޓީގެ ވަގުތީ ޗެއާޕާސަން އަބްދުލްޣަފޫރު މޫސާ މިރޭ ވިދާޅުވެއްޖެއެވެ.
އެޕްރީލް ހަތަރެއްގައި އޮންނަ ލޯކަލް ކައުންސިލަށް އެ ޕާޓީގެ ޓިކެޓުގައި ވާދަކުރާނެ ކެނޑިޑޭޓުން ކަނޑައަޅަން މިއަދު އޮތް ވޯޓުގެ ނަތީޖާތައް މިހާރު ވަނީ ގުނައި ނިމިފައެވެ. ގިނަ ދާއިރާތަކަކުން ވަގުތީ ނަތީޖާ ވެސް ވަނީ އިއުލާނުކޮށްފައެވެ.
އެއާއެކު މި އިންތިޚާބުގެ ކަންކަމާ ބެހޭގޮތުން "ސަން"އާ ވާހަކަދައްކަވަމުން ޣަފޫރު ވިދާޅުވީ މިއީ ވަރަށް އަމާން އިންތިޚާބެއް ކަމަށެވެ.