1،400 އެއްހާ މީހުން ދިރިއުޅޭ ކެންދޫން މިއަދު 38 ފަހަރު ކަރަންޓު ކެނޑިއްޖެ، ރައްޔިތުންނަށް އެތައް ގެއްލުމެއް
ސަން
17 ޖެނުއަރީ 2026 | ހޮނިހިރު | 11:57
ވޭތުވެދިޔަ 24 ގަޑިއިރުތެރޭ ބ. ކެންދޫގެ އެކި ސަރަހައްދުތަކުން 38 ފަހަރު ކަރަންޓު ކެނޑި، އެތައް އުނދަގުލަކާ ކުރިމަތިލާން ޖެހިއްޖެއެވެ.
އެ ރަށު ކައުންސިލުގެ ރައީސް އިބްރާހީމް ޢަބްދުއްރަޙްމާން 'ސަން'އަށް މިރޭ ވިދާޅުވީ، ވޭތުވެދިޔަ 24 ގަޑިއިރުތެރޭ 38 ފަހަރު ކަރަންޓު ކެނޑިއްޖެ ކަމަށާއި، އެކަމަކު ފެނަކައިން ކަރަންޓު ކެނޑޭ ސަބަބާ މެދު އެއްވެސް ޖަވާބެއް ނުލިބޭ ކަމަށެވެ.
ކަރަންޓުގެ މައްސަލަ ހައްލުނުވެ އޮންނަތާ ކެންދުއަށް ދޮޅުއަހަރަށް ވުރެ ގިނަދުވަސް ވެއްޖެކަން އޭނާ ފާހަގަކުރެއްވިއެވެ.