ދިރާގާއި ސްޕާކްހަބުން ރާއްޖޭގެ ފުރަތަމަ ޖެނެރޭޓިވް އޭއައި ހެކަތޯން ބާއްވަނީ
ސަން
18 ޖެނުއަރީ 2026 | އާދިއްތަ | 5:29
ދިރާގާއި ސްޕާކްހަބް ގުޅިގެން، "ޖެންއޭއައި ހެކް 2026"ގެ ނަމުގައި ރާއްޖޭގެ ފުރަތަމަ ޖެނެރޭޓިވް އޭއައި ހެކަތޯން އިއުލާނުކޮށްފިއެވެ.
ދިރާގުން ބުނީ، މި ހެކަތޯންގެ މަގުސަދަކީ އަލަށް ވިޔަފާރިއެއް ފަށާ ފަރާތްތަކަށާއި ވިޔަފާރިވެރިންނަށާއި އުފެއްދުންތެރިންނަށް އޭއައި މެދުވެރިކޮށް ކުރިއަށް ދިއުމުގެ ފުރުސަތު ފަހިކޮށްދިނުން ކަމަށެވެ.
މި ހެކަތޯނުން ޒުވާނުން އެއް ތަނަކަށް ގެނެސް، 48 ގަޑިއިރުގެ ތެރޭ އެ ފަރާތްތަކުގެ ޚިޔާލުތައް ޖެނެރޭޓިވް އޭއައި ޕްލެޓްފޯމުތައް މެދުވެރިކޮށް ހަގީގީ އުފެއްދުންތަކަށް މަދު ވަގުތުކޮޅެއްގެ ތެރޭ ބަދަލުކުރުމަށް އެހީތެރިވެދޭނެ ކަމަށް، ދިރާގުން ބުންޏެވެ.