އެފް އެންޑް ބީ ޝޯގެ ޑިޖިޓަލް ޕާޓްނަރަކަށް އުރީދޫ ބިޒްނަސް
ސަން
20 ޖެނުއަރީ 2026 | އަންގާރަ | 4:03
ފުޑް އެންޑް ބެވަރޭޖް (އެފް އެންޑް ބީ) 2026 ޝޯގެ ޑިޖިޓަލް ޕާޓްނަރަކަށް އުރީދޫ ބިޒްނަސްއިން ހައިރައިޒްއާ އެކު އެއްބަސްވުމެއްގައި ސޮއިކޮށްފިއެވެ.
ފުޑް އެންޑް ބެވަރޭޖް ޝޯގެ ނުވަވަނަ އެޑިޝަން، މި މަހު 21 އިން 24 އަށް ސެންޓްރަލް ޕާކުގައި ކުރިއަށްދާނެއެވެ. މި ޝޯގައި އިންޑަސްޓްރީގެ އިސްވެރިންނާއި، ސަޕްލަޔަރުންނާއި، ވިޔަފާރިވެރިން ބައިވެރިވާނެއެވެ.
ޑިޖިޓަލް ޕާޓްނަރެއްގެ ހައިސިއްޔަތުން އުރީދޫ ބިޒްނަސްއިން މުހިންމު ދައުރެއް އަދާކުރާނީ ޑިޖިޓަލް ސޮލިއުޝަންތަކާ އެކު މިހާރަށްވުރެ ހަރުދަނާ ގޮތެއްގައި ވިޔަފާރި ހިންގުމަށާއި، ކަސްޓަމަރުން އެންގޭޖްކޮށް، ވާދަވެރި މާކެޓެއްގައި ދެމެހެއްޓެނިވި ގޮތެއްގައި ކުރިއެރުވުމަށް އެހީތެރިވެދިނުމަށް ކަމަށް އެ ކުންފުނިން ބުންޏެވެ.