މެނުއަލްކޮށް ވެސް ކައުންސިލް އިންތިޚާބުގެ ފޯމު ބަލައިގަންނަން އެމްޑީޕީން ގޮވާލައިފި
ސަން
24 ޖެނުއަރީ 2026 | ހޮނިހިރު | 4:06
ކުރިއަށް އޮތް ލޯކަލް ކައުންސިލާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީއަށް ކުރިމަތިލާން ދީފައިވާ އޮތް މުއްދަތު ކުރު ކަމަށް އެމްޑީޕީން ކައުންސިލް އިންތިޚާބުގެ ތަރުޖަމާނު އަބްދުﷲ ވަހީދު މިއަދު ވިދާޅުވެއްޖެއެވެ.
އެކްސްގައި ވަހީދު ކުރެއްވި ޕޯސްޓެއްގައި ވަނީ، ކައުންސިލާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިޚާބުގައި އޮންލައިންކޮށް، އެޕްލައި ކުރުމަށް ގިނަ ދަތިތަކެއްދިމާވާ ކަމަށެވެ.
އެހެންވެ، 24 ގަޑިއިރު އޮންލައިން ކޮށް ފޯމު އެޕްލައި ކުރެވެންޖެހޭ ކަމަށް އޭނާ ވިދާޅުވިއެވެ. އަދި، އެޕްލައިކުރުމަށް ލިބިފައިވާ މުއްދަތު ކުޑަ ކަމަށް ވިދާޅުވެ، ވަހީދު ވަނީ މެނުއަލް ކޮށް ފޯމް ބަލައިގަތުމުގެ އިންތިޒާމް ހަމަޖެއްސުމަށް އިލެކްޝަންސް ކޮމިޝަނަށް ގޮވާލައްވާފައެވެ.