ފުވައްމުލަކުން ބަނގުރާ ކައްކަން ބޭނުންކުރާ ސާމާނު އަތުލައިގެންފި
ސަން
31 ޖެނުއަރީ 2026 | ހޮނިހިރު | 11:10
ބަނގުރާ އުފެއްދުމަށް ބޭނުންކުރާ ކަމަށް ބެލެވޭ ތަކެތި ފުވައްމުލައް ސިޓީން ފުލުހުން އަތުލައިގަނެފިއެވެ.
ފުލުހުން ރޭ ބުނީ މި ތަކެތި ހޯދާފައިވަނީ، މަސްތުވާތަކެއްޗާއި ބަނގުރަލާ ދެކޮޅަށް ފުވައްމުލައް ސިޓީ ފުލުުހުން ކުރަމުންދާ މަސައްކަތުގެ ތެރެއިން، މިދިޔަ ބުރާސްފަތި ދުވަހު ހިންގި އޮޕަރޭޝަނެއްގައި ކަމަށެވެ.
އެގޮތުން މި އޮޕަރޭޝަންގައި ފުވައްމުލައް ސިޓީގެ އެކި ސަރަހައްދުތަކުގެ ވަލުތެރެ ބަލައިފާސްކޮށްފައި ވާކަމަށާއި މި ބަލައިފާސްކުރުމުގެ ތެރެއިން، ބަނގުރާ ކަމަށް ބެލެވޭ އެއްޗެއްހުރި ފުޅިތަކަކާއި، ހަންތަކެއްގެ އިތުރުން ބަނގުރާ އުފެއްދުމަށް ބޭނުންކުރާ ކަމަށް ބެލެވޭ ސާމާނު ފެނިފައި ވާކަމަށް ފުލުހުން ވަނީ ބުނެފައެވެ.