ދަރިވަރުންނަށް ފައިސާ ފޮނުވުމުގައި ހުރި ދަތިތައް ހައްލުކުރުމަށާއި ޚިދުމަތްތައް ޑިޖިޓަލްކުރަން، 'ކުރި' ނަމުގައި ޕޯޓަލެއް
ސަން
3 ފެބްރުއަރީ 2026 | އަންގާރަ | 1:56
ސަރުކާރުގެ ޚަރަދުގައި އެކި ގައުމުތަކުގައި ކިޔަވާ ދަރިވަރުންނަށް ފައިސާ ފޮނުވުމުގައި ހުރި ދަތިތައް ހައްލުކުރުމަށާއި އެ ދަރިވަރުންނަށް ފޯރުކޮށްދޭ ޚިދުމަތްތައް ޑިޖިޓަލައިޒް ކުރުމަށް، 'ކުރި' ނަމުގައި މިއަދު ޕޯޓަލެއް އިފްތިތާހުކޮށްފިއެވެ.
ދަރިވަރުންނަށް ފައިސާ ފޮނުވުމުގައި ލަސްވާ ކަމުގެ ޝަކުވާތައް ދޭތެރެއަކުން ފެންމަތި ވަނިކޮށް، އެ ޕޯޓަލް މިއަދު އިފްތިތާހުކޮށްދެއްވީ ހަޔާ އެޑިއުކޭޝަން މިނިސްޓަރު ޑރ. އަލީ ހައިދަރު އަހުމަދެވެ.
އެ ރަސްމިއްޔާތުގައި ހައިދަރު ވިދާޅުވީ، ސަރުކާރު ހަރަދުގައި މަތީ ތައުލީމު ހާސިލުކުރާ ދަރިވަރުންނަށް ދެމުންދާ ސްކޮލަޝިޕުތަކާއި ލޯނު ދޫކުރުމުގައި މިހާތަނަށް ބޮޑެތި ތަކުލީފުތަކެއް އުފަލަން ޖެހިފައިވާ ކަމަށެވެ.