ޖަރުމަނުގެ ރައީސްގެ ދައުވަތަކަށް ރައީސް މުއިއްޒު އެ ގައުމަށް ވަޑައިގަންނަވަނީ
ސަން
3 ފެބްރުއަރީ 2026 | އަންގާރަ | 3:25
ޖަރުމަނުވިލާތުގެ ރައީސް ފްރޭންކް ވޯލްޓާ ސްޓައިންމަޔާގެ ދައުވަތަކަށް ކުރައްވާ ރަސްމީ ދަތުރުފުޅެއްގައި ރައީސް ޑރ. މުޙައްމަދު މުޢިއްޒު، އެ ގައުމަށް ވަޑައިގަތުމަށް ނިންމައިފިއެވެ.
ރައީސް އޮފީހުން މިއަދު ބުނިގޮތުގައި މި ދަތުރުފުޅު ކުރައްވާނީ އަންނަ ހަފުތާ ހޯމަ ދުވަހުން އެ ހަފުތާ ހުކުރު ދުވަހުގެ ނިޔަލަށް ކަމަށެވެ.
މި ދަތުރުފުޅުގައި ރައީސް, ޖަރުމަނުވިލާތުގެ ރައީސާއި އެ ގައުމުގެ ސަރުކާރުގެ އިސް އޮފިޝަލުންނާ ބައްދަލުކުރައްވައި މަތީ ފަންތީގެ މަޝްވަރާތައް ކުރިއަށްގެންދިއުމަށް ވަނީ ހަމަޖެހިފައި ކަމަށް ރައީސް އޮފީހުން ބުނެއެވެ.