އަންނަ އޭޕްރިލް މަހުގެ ކުރީކޮޅު އޮންނަ ކައުންސިލު އިންތިޚާބު ކުޑަތަންވަމުން އަންނަ އިރު، އިންތިޚާބުގެ ޓައިމްލައިނެއް އިލެކްޝަންސް ކޮމިޝަނުން އަދި ހާމަނުކުރާ ކަމަށާއި، މިއީ އިންތިޚާބަށް ނުފޫޒު ފޯރުވަން ސަރުކާރަށް ދެވޭ ޖާގައެއް ކަމަށް ބުނެ، އިދިކޮޅު އެމްޑީޕީން ކަންބޮޑުވުން ފާޅުކޮށްފިއެވެ.

މިއަދު އެމްޑީޕީން ބޭއްވި ނޫސްވެރިންގެ ބައްދަލުވުމުގައި، ކައުންސިލު އިންތިޚާބާ ގުޅޭ އެ ޕާޓީގެ ތަރުޖަމާނު ޢަބްދުالله ވަޙީދު މިއަދު ވިދާޅުވީ، އިލެކްޝަންސް ކޮޮމިޝަނުން އަމަލުކުރަމުން އަންނަނީ ސަރުކާރުގެ ނުފޫޒަށް ތަބާވެގެން ކަމަށެވެ. ވަޙީދު ވިދާޅުވީ މިއަދާ ހަމައަށްވެސް އިންތިޚާބުގެ ޓައިމްލައިނެއް އިލެކްޝަންސް ކޮމިޝަނުން އަދި އާންމުނުކުރާ ކަމަށެވެ.

"ހަމަ އެއާއެކުގައި މި ޓައިމްލައިން ހާމަނުކޮށް، ކުރިމަތިލާ ކެންޑިޑޭޓުންގެ ނަން ނެގޭނެ އެންމެ ފަހު ތާރީޚެއް އަޅުގަނޑުމެންނަކަށް ނޭނގޭ، ގުރުލުމާ ހަމައަށް އެކަން ކުރެވޭނެ ކަމަށް ފާހަގަކުރާއިރުގައި އެއީ ކޮން ދުވަހަކު ކުރެވޭނެ ކަމެއްކަން އިލެކްޝަންސް ކޮމިޝަނަކުން ނުބުނޭ،" ވަޙީދު ވިދާޅުވިއެވެ.

މައުޟޫޢުތަށް