ކުޑަކުދިން ލައްވާ ކުށްކުރުވާ މީހުންނަށް އެންމެ ހަރުކަށި އަދަބު ދޭނަން: ސީޕީ ނަވީން
ސަން
4 ފެބްރުއަރީ 2026 | ބުދަ | 11:06
ކުޑަ ކުދިންގެ ނަހަމަ ފައިދާ ނަގައި ކުޑަކުދިން ލައްވާ ކުށްކުރުވާ މީހުންނަށް ގާނޫނީގޮތުން ދެވެން އޮތް އެންމެ ހަރުކަށި އަދަބު ދޭން ފުލުހުން މަސައްކަތްކުރާނެ ކަމަށް، ފުލުހުންގެ ކޮމިޝަނަރު އިސްމާޢީލް ނަވީން މިއަދު ވިދާޅުވެއްޖެއެވެ.
އުމުރުން 16 އަހަރުގެ ކުއްޖަކު މެދުވެރިކޮށް މަސްތުވާތަކެތި އުފުލައި، އެ ކުއްޖާ ކުށްކުރުމަށް ބޭނުންކުރިކަމުގެ ތުހުމަތުގައި މިދިޔަ އާދީއްތަ ދުވަހު މާލޭން ދެ މީހަކު ހައްޔަރުކޮށްފައިވެއެވެ.
އެކަމަށް އިޝާރާތްކުރައްވައި ސޯޝަލް މީޑިއާގައި ނަވީން ލިޔުއްވި ޕޯސްޓެއްގައިވަނީ، ކުޑަކުދިންގެ ހައްގުތައް ކަށަވަރުކޮށް، އެކުދިންނަށް ރައްކާތެރި އަމާން މުޖުތަމައެއް ބިނާކޮށްދިނުމަކީ ދައުލަތުގެ އެންމެ މުހިންމު އެއް މަސްއޫލިއްޔަތުކަން ފާހަގަކުރައްވައިފައެވެ.