ރާއްޖޭގެ ދެވަނައަށް އެންމެ ބޮޑު އާބާދީއެއް އޮތް އައްޑޫ ސިޓީއަކީ ވިޔަފާރި ކުރަން ފަސޭހަ ތަނަކަށް ހެދުމުގެ އިތުރުން, އިންފޮމޭޝަން ޓެކްނޮލޮޖީ (އައިޓީ)ގެ ހަބަކަށް އެ ސިޓީ ހައްދަވަން ނިންމަވާފައިވާ ކަމަށް, ރައީސް ޑރ. މުޙައްމަދު މުއިއްޒު މިއަދު ވިދާޅުވެއްޖެއެވެ.

ރިޔާސީ ބަޔާން އިއްވަވަމުން ރައީސް ވިދާޅުވީ ކުދި އަދި މެދު ފަންތީގެ ވިޔަފާރިތައް ހިންގަން ލުއިތައް ލިބިފައިވާ ސަރަހައްދެއްގެ ގޮތުގައި އައްޑޫ ސިޓީ ކަނޑައަޅުއްވާފައިވާ ކަމަށެވެ. އަދި އެއީ އައިޓީ ހަބަކަށް ހެދުމަށް ޝައުގުވެރިކަން ހުރި ފަރާތްތަކަށް ފުރުސަތު ހުޅުވާލާ ކަމަށް އެ މަނިކުފާނު ވިދާޅުވިއެވެ.

އައްޑޫ ސިޓީގައި ވިޔަފާރި ކުރަން ދޭ ލުއިތަކުގެ ތެރޭގައި ދައުލަތަށް ޓެކްސް އާއި ކުލި ދައްކަން ނުޖެހޭ ގޮތް ހެދުން ހިމެނޭ ކަމަށް ރައީސް ވިދާޅުވިއެވެ.

މައުޟޫޢުތަށް