ރައީސުލްޖުމްހޫރިއްޔާ ޑރ. މުޙައްމަދު މުއިއްޒު މިއަހަރު އިއްވެވި ރިޔާސީ ބަޔާނަކީ އެއްވެސް އޮއްޓަރެއް ނެތް "ހާސަރެއް" ކަމަށް ސިފަކުރައްވައި، ކުރީގެ ނައިބު ރައީސް ފައިސަލް ނަސީމް ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ.

ފައިސަލް ނަސީމް އެމަނިކުފާނުގެ ފޭސްބުކް ޕޭޖުގައި ކުރެއްވި ޕޯސްޓެއްގައި ވިދާޅުވީ، ރާއްޖޭގެ އާބާދީ ފަސްލައްކައަށްވުރެ މަތިވާނެކަމަށް ތަފާސްހިސާބުތަކުން ދައްކާއިރު، ކޮންމެ މީހަކަށް 400 ޑޮލަރު ބަހަން ޖުމްލަ 200 މިލިއަން ޑޮލަރު 10 ރިސޯޓުން ފައިދާގެ ގޮތުގައި ނެރޭނެ ގޮތެއް އެއްވެސް ހިސާބަކުން ނުފެންނަ ކަމަށެވެ.

ފައިސަލް ފާހަގަކުރެއްވި ގޮތުގައި، މާލޭ ކައިރީގައި 150 ކޮޓަރީގެ ފަސް ތަރީގެ ރިސޯޓެއް ހެދުމަށް މިހާރުގެ މާކެޓް އަގުތަކަށް ބަލާއިރު ގާތްގަނޑަކަށް 80 މިލިއަން ޑޮލަރު ބޭނުންވެއެވެ. އެހެންކަމުން 10 ރިސޯޓު ހަދަން 800 މިލިއަނެއްހައި ޑޮލަރު ބޭނުންވާނެ ކަމަށާއި، ސޯޝަލް ހައުސިންއަށް ވެސް ފައިސާ ނުހޯދިގެން އުޅޭ ދަނޑިވަޅެއްގައި ސަރުކާރުން މިފަދަ ބޮޑު އަދަދެއް ހޯދާނެ ގޮތެއް ނުވިސްނޭ ކަމަށް އެމަނިކުފާނު ވިދާޅުވިއެވެ.

މައުޟޫޢުތަށް