ކުނި ފުނި ހަދާ މައްސަލައިގައި މޭޔަރު: ހައްލެއް ލިބޭނީ އުކާލަން ކެތްވާވަރުގެ އަގެއް ހެދިގެން
ސަން
10 ފެބްރުއަރީ 2026 | އަންގާރަ | 4:50
ހުޅުމާލޭގެ އެކި ސަރަހައްދުތަކުގައި ކުނި ފުނި ހަދާ މައްސަލަ ހައްލުވާނީ އެ ކަމަށް ރަނގަޅު ނިޒާމަކާއި ކުނި އުކާލަން މީހުންނަށް 'ކެތްވާވަރުގެ' އަގެއް ކަނޑައެޅިގެން ކަމަށް މާލޭގެ މޭޔަރު އާދަމް އާޒިމް މިއަދު ވިދާޅުވެއްޖެއެވެ.
މިދިޔަ އާދިއްތަ ދުވަހު، ހުޅުމާލެ ބަލަހައްޓާ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އިން ވަނީ، ހުޅުމާލޭގެ އެކި ތަންތަނުގައި ކުނި ފުނި ހަދާފައި ހުރި މަންޒަރު ފެންނަ ވީޑިއޯއެއް އާންމުކޮށްފައެވެ. އެ ވީޑިއޯގައި ވަނީ ރޯދަމަހާއި އެހެން މަސްތަކުގައި ވެސް އެ ކަމަށް ހައްލެއް ގެންނާނީ އާންމުން ކަމަށް ދޭހަވާ މޭރުމަކުން އިލްތިމާސްކޮށްފައެވެ.
އެ ކަމާ ގުޅިގެން މޭޔަރު އާޒިމް ލިޔުއްވި ޕޯސްޓެއްގައި ވިދާޅުވީ، މުނިސިޕަލް ސާވިސް ކުންފުންޏެއްގެ ދަށުގައި ހުޅުމާލެ އޮތުމުން ރައްޔިތުން "ގޯސްކޮށްފައި" ނިންމާލަނީ އެކަށީގެންވާ އަސާސީ ޚިދުމަތްތައް ފޯރުކޮށް ނުދީ ކަމަށެވެ.