ސަރުކާރަށް ކައުންސިލުތައް ދީފިނަމަ އުވާލާނެ، މިއީ ވޯޓުލާން ލިބޭ ފަހު ފަހަރަށް ވެސް ވެދާނެ: ޢަބްދުލްޣަފޫރު
ސަން
13 ފެބްރުއަރީ 2026 | ހުކުރު | 10:48
އަންނަ ލޯކަލް ކައުންސިލު އިންތިޚާބު މި ސަރުކާރަށް ދީފިނަމަ ކައުންސިލުތައް އުވާލާނެ ކަމަށާއި، މިއީ ރައްޔިތުން އިންތިޚާބެއްގައި ވޯޓުލާން ލިބޭ އެންމެ ފަހު ފުރުސަތަށް ވެދާނެ ކަމަށް، އިދިކޮޅު މައި ޕާޓީ އެމްޑީޕީގެ ވަގުތީ ޗެއާޕާސަން ޢަބްދުލްޣަފޫރު މޫސާ (ގަޕޯ) ރޭ ވިދާޅުވެއްޖެއެވެ.
އޭޕްރިލް މަހުގެ ކުރީކޮޅު އޮންނަ އިންތިޚާބަށް އެމްޑީޕީގެ ކެމްޕެއިން "ހޭވައްލާ ތައްޔާރު" އިފްތިތާހުކުރުމަށް ރޭ ބޭއްވި ޖަލްސާގައި ވާހަކަ ދައްކަވަމުން ޢަބްދުލްޣަފޫރު ވިދާޅުވީ، ރައްޔިތުންނަށް ޚިދުމަތްކުރަން އައިސް ވައްކަންކުރުން ނޫން ކަމެއް މި ސަރުކާރަށް ނުކުރެވުނު ކަމަށާއި، އެގޮތުން ވޭތުވެދިޔަ ދެ އަހަރު ސަރުކާރުން 176 މިލިއަން ރުފިޔާ ޚަރަދުކުރިއިރު އެއް ކަމެއްވެސް ނުވި ކަމަށެވެ.
މި ސަރުކާރުން ރައްޔިތުންގެ އަޑެއް ނާހާނެ ކަމަށް ވިދާޅުވެ، ސަރުކާރަށް ވޯޓުދޭން ޖެހޭ އެއްވެސް ސަބަބެއް ނެތް ކަމަށް، ޢަބްދުލްޣަފޫރު ވިދާޅުވިއެވެ.