އެންމެ ފުރަތަ ރާއްޖެ އައި ކުރޫސްލައިނާ އޮޕަރޭޓަރުގެ އިތުރު ބޯޓެއް 2،600 ފަތުރުވެރީންނާ އެކު މިއަދު ރާއްޖެ އަތުވެއްޖެއެވެ.

'ސަން'އަށް މައުލޫމާތު ލިބިފައިވާ ގޮތުގައި މިއަދު ރާއްޖެ އައިސްފައިވާ ބާމިއުޑާގެ މި ކުރޫސްލައިނާ ފުރުމަށް ހަމަޖެހިފައިވަނީ މިއަދު ހަވީރު 18:00 ގައެވެ. އަދި، 'ކުއީން އޭން' ނަމަކަށް ކިޔާ މި ކްރޫސްލައިނާ ރާއްޖެއައިސްފައި ވަނީ ސީޝެލްސްގެ ޕޯޓް ވިކްޓޯރިއާއިން ފުރައިގެންނެވެ. މި ބޯޓު ދެން މަޑުކުރާނީ ސްރީލަންކާގެ ކޮލަންބޯއަށެވެ.

ދިގުމިނުގައި 323 މީޓަރު އަދި ފުޅާމިނުގައި 36 މީޓަރު ހުންނަ މި ކްރޫސްލައިނާ ރާއްޖެ އައިސްފައިވަނީ ޖުމުލަ 2،669 ފަތުރުވެރީންނާއި 1،235 ކުރޫއިންނާ އެކުގައެވެ.

މައުޟޫޢުތަށް