ރޯދައަށް ތޮއްޑޫގެ ކަރާ ދަނޑުތައް ދޮންވެ ފައްކާވެފައި، ދުވާލަކު 10 ޓަނު ކަރާ ބާޒަރަށް ނެރޭނެ!
ސަން
17 ފެބްރުއަރީ 2026 | އަންގާރަ | 1:15
ރޯދައަށް އއ. ތޮއްޑޫގެ ކަރާ ދަނޑުތައް ދޮންވެ، ފައްކާވެފައިވާ ކަމަށާއި ގިނަ އަދަދަކަށް ބާޒާރަށް ކަރާ ނެރެވޭނެ ކަމަށް އެ ރަށު ކައުންސިލުން މިއަދު ބުނެފިއެވެ.
ރާއްޖޭގައި އެންމެ ފުޅާ ދާއިރާއަކަށް ކަރާ ހައްދާ, ތޮއްޑޫ ކައުންސިލްގެ ނައިބު ރައީސް އަލީ އާދަމް 'ސަން'އަށް ވިދާޅުވި ގޮތުގައި، ރޯދަ މަހު ދުވާލަކަށް 10 ނުވަތަ 12 ޓަނު ކަރާ އެ ރަށުން މާލޭގެ ބާޒާރަށް ނެރެވޭނެއެވެ.
މޫސުން ގޯސްވެ، ކަރާ ދަނޑުތަކަށް ގެއްލުމެއް ނުވާނަމަ، ރޯދަ މަސް ނިމެންދެން މާލެއަށް ކަރާ އެތެރެކުރެވޭނެ ކަމަށް އޭނާ ލަފާކުރެއްވިއެވެ.