ރަނގަޅަށް ޓިކްޓޮކެއް ހަދާލަން އެނގެންޏާ މިހާރު ވަޒީފާ ލިބޭ ކަމަށާއި މި ސަރުކާރު އައި ފަހުން ސަރުކާރު ބައެއް ކުންފުނިތަކުގައި ތިބީ ހުސް ވެރިން ކަމަށް ވިދާޅުވެ، ރައްޔިތުންގެ މަޖިލީހުގެ ވައިކަރަދޫ ދާއިރާގެ މެންބަރު ހުސައިން ޒިޔާދު (ފިއްޓޭ) މިއަދު ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ.

ސަރުކާރު ކުންފުނިތަކުން ސިޔާސީ ބޭނުމަށް މީހުންނަށް ވަޒީފާ ދޭކަމުގެ ތުހުމަތު އަބަދު ވެސް ކުރެވެއެވެ.

ވަޒީފާއާ ބެހޭ ގާނޫނަށް ސަރުކާރުގެ ފަރާތުން ހުށަހެޅި އިސްލާހަށް ބަހުސްކުރައްވަމުން ފިއްޓޭ މިއަދު ވަނީ ސަރުކާރު ހިއްސާވާ ދެ ކުންފުންޏެއް ކަމަށްވާ އެއާޕޯޓްސް ކޮމްޕެނީ (އެމްއޭސީއެލް)އާއި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގައި މިހާރު ތިބީ ހުސް ވެރިން ކަމަށް ވިދާޅުވެ، ކަންބޮޑުވުން ފާޅުކުރައްވާފައެވެ. އޭނާ ވިދާޅުވީ، އެކަން ކުރަނީ ސިޔާސީ މަގުސަތުތައް ހާސިލުކުރަން ކަމަށެވެ.

މައުޟޫޢުތަށް