ފުރަތަމަ ފަހަރަށް ޖަލުގައި މި ރޯދައިގައި ތަރާވީޙްކުރާނެ، ދީނީ ސެޝަންތައް ވެސް
ސަން
18 ފެބްރުއަރީ 2026 | ބުދަ | 10:35
ޖަލުތަކުގެ މިސްކިތްތަކުގައި ފުރަތަމަ ފަހަރަށް ތަރާވީޙް ނަމާދުކުރުމުގެ އިންތިޒާމު ހަމަޖައްސައިފިއެވެ.
ޖަލުތައް ބަލަހައްޓާ ކަރެކްޝަންސްއިން އިއްޔެ ބުނީ، ކަރެކްޝަންސްގެ ހުރިހާ ޖަލެއްގެ މިސްކިތްތަކުގައި ފުރަތަމަ ފަހަރަށް ރަސްމީކޮށް ތަރާވީޙް ނަމާދުކުރުމަށާއި، ގައިދީންނާއި ބަންދު މީހުންނަށް ދީނީ ސެޝަންތައް ކުރިއަށް ގެންދަން ހާފިޒުން ހަމަޖައްސާފައިވާ ކަމަށެވެ.
މީސްމީޑިއާގައި ކަރެކްޝަންސްއިން އާންމުކުރި ފޮޓޯތަކުން ފެންނަ ގޮތުގައި ތިން ހާފިޒަކު ވަނީ ޖަލުތަކުގެ މިސްކިތްތަކުގައި އިމާމުވެ ތަރާވީޙް ނަމާދުކޮށް، ގައިދީންނަށް ދީނީ ސެޝަންތައް ކުރިއަށް ގެންދަން ހަމަޖައްސައިފައެވެ.