މިފަހަރު ރޯދައަށް ގޮއިދޫ ދަނޑުތަކުން މާލެއަށް 30 ޓަނަށްވުރެ ގިނަ ކަރާ
ސަން
18 ފެބްރުއަރީ 2026 | ބުދަ | 4:26
މިފަހަރު ރޯދައަށް ށ. ގޮއިދޫ އިން 30 ޓަނަށްވުރެ ގިނަ ކަރާ މާލެ ގެންނާނެކަމަށް އެ ރަށުން މިއަދު ބުނެފިއެވެ.
ގޮއިދޫ ކައުންސިލްގެ ރައީސް އިބްރާހިމް ޝާހިދު 'ސަން' އަށް ވިދާޅުވީ މިފަހަރު ދަނޑުވެރިންނަށް ޚާއްސަކޮށްގެން އެގްރިކަލްޗާ މިނިސްޓްރީން ހެދި ދަނޑުވެރިންގެ ބާޒާރަށް އެ ރަށުގެ ގިނަ އުފެއްދުންތަކެއް ގެންނަން ތައްޔާރުވަމުން އަންނަ ކަމަށެވެ. އެގޮތުން 30 ޓަނަށް ވުރެ ގިނަ ކަރާ މާލެ ގެންނާނެ ކަމަށް ވިދާޅުވިއެވެ.
ޝާހިދު ވިދާޅުވީ މާލޭގައި ދަނޑުވެރިންގެ ޚާއްސަ މާރުކޭޓެއް އޮންނަކަން ދަނޑުވެރިކަމާ ބެހޭ މިނިސްޓްރީން އެންގީ ރޯދައާ ވަރަށް ގައިވެފައިވަނިކޮށް ކަމަށާއި، އެހެން ނޫންނަމަ ދަނޑުވެރިންނަށް އިތުރު ބާވަތްތައް ހައްދަން ވެސް ވެސް ފުރުސަތު ލިބުނީސް ކަމަށެވެ.