ވަގުތީ ގޮތުން މައްސަލަ ހައްލުކުރިޔަސް، ރޯދަމަހުގެ ބާކީ ބައިގައި ކަރަންޓު ނުކެނޑޭނެ ކަމުގެ ޔަގީންކަމެއް ނެތް: ނިޒާރު
ސަން
21 ފެބްރުއަރީ 2026 | ހޮނިހިރު | 3:50
އައްޑޫ ސިޓީގެ ގުޅިފައިވާ ރަށްތަކުގައި އިއްޔެ ކަރަންޓު ކެނޑުމަށް ފަހު މިހާރު މައްސަލަ ވަގުތީ ގޮތުން ހައްލުވެފައި އޮތް ނަމަވެސް، ރޯދަމަހުގެ ބާކީ އޮތް މުއްދަތުގައި ކަރަންޓު ނުކެނޑޭނެ ކަމުގެ އެއްވެސް ޔަގީންކަމެއް ނެތް ކަމަށް އައްޑޫ ސިޓީގެ މޭޔަރު އަލީ ނިޒާރު މިއަދު ވިދާޅުވެއްޖެއެވެ.
އައްޑޫގެ ގުޅިފައިވާ ރަށްތަކުން އިއްޔެ 11:37ހާއިރު ކަރަންޓު ކެނޑިފައި އޮތުމަށް ފަހު، ކަރަންޓު އަނބުރާ ދީފައި ވަނީ ދެގަޑިއިރެއްހާ އިރު ފަހުންނެވެ. ބޮޑު އާބާދީއެއް ދިރިއުޅޭ އައްޑުއަށް ކަރަންޓު ފޯރުކޮށްދެނީ ފެނަކަ ކޯޕަރޭޝަނުންނެވެ.
މިއަދު 'ސަން'އިން ސުވާލު ކުރުމުން އައްޑޫ ސިޓީގެ މޭޔަރު އަލީ ނިޒާރު ވިދާޅުވީ، އައްޑުއަށް ދިމާވެފައިވާ ކަރަންޓުގެ މައްސަލަ ވަގުތީގޮތުން ހައްލުވެފައި ވާކަމަށް ކަރަންޓު ފޯރުކޮށްދޭ ފެނަކައިން އިއްޔެ ބުނެފައި ވާކަމަށެވެ.