ހއ. އުތީމުގައި ކޭބަލް ޓީވީގެ ޚިދުމަތްދިނުމަށް ހުޅުވާލި ފުރުސަތުގައި, ބީލަމަށް ހުށަހެޅި ފަރާތްތަކުގެ ތެރެއިން އެންމެ މަތިން ދެވަނައަށް ޕޮއިންޓު ލިބުނު ފަރާތާ އެ ޚިދުމަތްދޭން ހަވާލުކުރުމުން، ފަސް އަހަރުގެ މުއްދަތުގައި އުތީމު ކައުންސިލަށް ހަތަރުލައްކަ ރުފިޔާއަށް ވުރެ ބޮޑު އަދަދަކުން ގެއްލުންވާނެ ކަމަށް، އޮޑިޓު އޮފީހުން ނެރުނު ރިޕޯޓުން ހާމަވެއްޖެއެވެ.

އުތީމު ކައުންސިލުގެ 2023ވަނަ އަހަރުގެ ކޮމްޕްލަޔަންސް ރިޕޯޓުގައިވަނީ، އުތީމުގައި ކޭބަލް ޓީވީގެ ޚިދުމަތްދޭނެ ފަރާތެއް ހޯދުމަށް މޭ 25، 2023ގައި ކުރި އިއުލާނާ ގުޅިގެން އެ ޚިދުމަތްދޭން ޝައުގުވެރިކަން ފާޅުކުރި ފަރާތްތަކުގެ ތެރެއިން، ދެވަނައަށް އެންމެ ބޮޑު މަހު ކުލި ހުށަހަޅާފައިވާ ފަރާތާ ހަވާލުކުރީ އިއުލާނާއެކު ތައްޔާރުކޮށްފައިވާ މައުލޫމާތު ކަރުދާހާ ޚިލާފަށް ކަމަށެވެ.

އެގޮތުން، އުތީމުގައި ކޭބަލް ޓީވީގެ ޚިދުމަތް ދިނުމަށް ހުށަހަޅާ ފަރާތްތަކަށް ޕޮއިންޓު ދެވޭ އުސޫލުގައިވާ ގޮތުން، އެންމެ ގިނައިން ޕޮއިންޓު ލިބޭނީ ބޮޑު ކުއްޔެއް ހުށަހަޅާ ފަރާތަށް ކަމަށް، އޮޑިޓު ރިޕޯޓުގައި ފާހަގަކޮށްފައިވެއެވެ.

މައުޟޫޢުތަށް