ރަމަޟާން މަހު ސަރުކާރުގެ އިދާރާތަކާއި ކުންފުނިތަކުގެ ރަސްމީ ވަގުތަކީ ހަތަރު ގަޑިއިރު ކަމަށް ކަނޑައަޅާފައި ވަނިކޮށް، ސިއްހީ ޚިދުމަތްދޭ އިދާރާތަކުގެ ބައެއް މުވައްޒަފުންގެ މެދުގައި ރަސްމީ މަސައްކަތުގެ ގަޑި ތަފާތުކުރާ ކަމަށް ބުނެ، ސިއްހީ މަސައްކަތްތެރިންގެ ޖަމިއްޔާ (އެމްއެޗްޕީޔޫ)އިން މިއަދު ކަންބޮޑުވުން ފާޅުކޮށްފިއެވެ.

މި ރަމަޟާން މަހު ސަރުކާރުގެ ރަސްމީ ގަޑިއަކީ އެހެން އަހަރުތަކެކޭ ވެސް އެއްގޮތަށް، ހެނދުނު 09:00 އިން ފެށިގެން މެންދުރު 13:00 އާ ހަމައަށެވެ.

އެމްއެޗްޕީޔޫއިން މިއަދު ނެރުނު ބަޔާނުގައި ވަނީ، މިދިޔަ ނޮވެންބަރު މަހު ދައުލަތުގެ ވަޒީފާގެ އާ އޮނިގަނޑަށް ހިޖުރަކުރި މުވައްޒަފުންގެ ވަޒީފާގެ އުސޫލުތައް ކަނޑައަޅަނީ "ނޭޝަނަލް ޕޭ ސްޓެންޑާޑްސް"ގެ ދަށުން ކަމަށެވެ. އެ އުސޫލުގެ ދަށުން މަދަނީ ހުރިހާ މުވައްޒަފުންނަށް އެއް މިންގަނޑަކުން ޝަރުތުތަކާއި އުސޫލުތައް ކަނޑައަޅާފައި ވަނިކޮށް، މަސައްކަތްތެރިންގެ މެދުގައި ތަފާތުކުރުން ގެންގުޅުމަކީ ގާނޫނާ ޚިލާފު ކަމެއް ކަމަށް، ބަޔާނުގައިވެއެވެ.

މައުޟޫޢުތަށް