އެކަނި ނިކުމެ ރަސްދޫ ދޮންބެގެ މުޙައްމަދު، 152 ކިލޯގެ މަސްހިބަރެއް ބާނައި "ރެކޯޑެއް" ހަދައިފި
ސަން
24 ފެބްރުއަރީ 2026 | އަންގާރަ | 11:22
އެކަނިމައިއެކަނި ކުރުމަހަށް ނިކުމެ އއ. ރަސްދޫއަށް ނިސްބަތްވާ، މުޙައްމަދު އަބްދުލްޣަފޫރު ނުވަތަ އާންމު ނަމުންނަމަ ދޮންބެގެ މުޙައްމަދު، 152 ކިލޯގެ މަސްހިބަރެއް ބާނައި ރެކޯޑު ހަދައިފިއެވެ.
އުމުރުން 55 އަހަރުގެ މުޙައްމަދު "ސަން"އަށް ބުނީ އެ ރަށުން ކަންނެއްޔަށް ނިކުންނަ ދޯނިފަހަރުތަކުން އެވަރުގެ ބޮޑެތި ހިބަރު ބާނާކަމަށާއި ނަމަވެސް އެކަނި ޑިންގީއެއްގައި ނިކުމެ އެވަރުގެ ބޮޑު މަހެއް އެ ރަށުން އަދި ބޭނީ އޭނާ ކަމަށެވެ.
މި ހިބަރު ބޭނި ގޮތާ ގުޅޭގޮތުން މަޢުލޫމާތު ދެމުން މުޙައްމަދު ބުނީ، މަސް ގަތް ވަގުތު އެ ބޭނޭނެ ކަމުގެ މާބޮޑު އުންމީދެއް ނެތް ކަމަށެވެ. ސަބަބަކީ އެ ސަރަހައްދުގައި އުޅޭ އެ ހިބަރު މީގެ ކުރިންވެސް އެތައް ފަހަރަކު އޭނާގެ ނަނުގައި ގަނެ، ނަނު ބުރިކޮށްލުމަށްފަހު ސަލާމަތްވެފައި ވާތީ ކަމަށް ބުންޏެވެ.