ހދ. ނޮޅިވަރަންފަރަށް ކަރަންޓު ދޭން ހުރި ޖަނަރޭޓަރަކަށް ދިމާވި މައްސަލައަކާ ގުޅިގެން، މުޅި އެ ރަށުން ކަރަންޓު ކެނޑިއްޖެއެވެ.

'ސަން' އާ ވާހަކަދައްކަވަމުން އެ ރަށު ކައުންސިލްގެ ނައިބު ރައީސް އަބްދުލްކަރީމް އަބްދުއްރަހްމާން ވިދާޅުވީ މިއަދުގެ އެކި ވަގުތުތަކުގައި އެ ރަށުން ކަރަންޓު ކެނޑިފައިވާ ކަމަށެވެ. އެންމެ ފުރަތަމަ މިއަދުގެ ފަތިހުގެ ވަގުތުގައި ކަރަންޓު ކެނޑުނީ ކަމަށާއި އޭގެ ފަހުން އިރުއިރުކޮޅާ ރަށުގެ އެކި ހިސާބުތަކުން ކަރަންޓު ކެނޑުނު ކަމަށް އޭނާ ވިދާޅުވިއެވެ.

އެ ރަށުގެ ފެނަކައާ ހަވާލާދީ އޭނާ ވިދާޅުވި ގޮތުގައި ރަށަށް ކަރަންޓު ފޯރުކޮށްދޭން ހުރި ޖަނަރޭޓަރަކަށް ދިމާވި މައްސަލައަކާ ގުޅިގެންނެވެ. އެކަން ހައްލުކުރުމަށް މިހާރު ވެސް މަސައްކަތްކުރަމުންދާ ކަމަށް ފެނަކައާ ހަވާލާދީ އޭނާ ވިދާޅުވިއެވެ.

މައުޟޫޢުތަށް