މާލެ ސަރަހައްދުގައި މަސް ދަޅު ކޭސް ދޫކުރާނީ، އަންނަ ބުދަ ދުވަހުގެ ނިޔަލަށް
ސަން
25 ފެބްރުއަރީ 2026 | ބުދަ | 1:36
ރޯދަ ހަދިޔާގެ ގޮތުގައި މާލެ ސަރަހައްދުގައި މަސް ދަޅު ކޭސް ދޫކުރާނީ، އަންނަ ބުދަ ދުވަހުގެ ނިޔަލަށް ކަމަށް ލޯކަލް ގަވަމެންޓް މިނިސްޓަރު އާދަމް ޝަރީފް އުމަރު މިއަދު ވިދާޅުވެއްޖެއެވެ.
އެކްސްގައި މިނިސްޓަރު ލިޔުއްވި ޕޯސްޓެއްގައި ވަނީ، މާލެ ސަރަހައްދުގައި މަސް ކޭސް މިހާރު ދޫކުރަނީ، މާފަންނު ޓްރެކް ދަނޑު ކައިރީ ހުންނަ އެމްސީއެލްޕީގެ ޕަބްލިކް ވޯކްސް ފެންޑާއިންނާއި ހުޅުމާލެ ފުރަތަމަ ފިޔަވައްސާއި ދެވަނަ ފިޔަވަހީގައި ހުންނަ މިފްކޯ ފިހާރަތަކުން ކަމަށެވެ.
އެ ތަންތަނުން މަސް ކޭސް ދޫކުރާނީ، 15ވަނަ ރޯދައިގެ ނިޔަލަށް ކަމަށް މިނިސްޓަރު ލިޔުއްވާފައިވެއެވެ. ފަނަރަ ވަނަ ރޯދަ ވަނީ، އަންނަ ބުދަ ދުވަހަށެވެ.