ހަފުތާއަކަށް ފަހު, ރޯދައަށް ސްކޫލުތައް ބަންދުކޮށްފި, ދެން ހުޅުވާނީ އަންނަ މަހު 23 ގައި
ސަން
26 ފެބްރުއަރީ 2026 | ބުރާސްފަތި | 2:19
ރޯދަމަސް ފެށުނު ފަހުން ހަފުތާއެއްހައި ދުވަހު ކިޔަވައި ދިނުމަށް ފަހު ސްކޫލުތައް ބަންދުކޮށްފިއެވެ.
އެކެޑަމިކް ކަލަންޑަރުގައިވާ ގޮތުން ދެން ދަރިވަރުންނަށް ކިޔެވުން ފެށޭނީ އަންނަ މާޗު މަހުގެ 23ވާ ހޯމަ ދުވަހުއެވެ.
އެކެޑަމިކް ކަލަންޑަރުގައި ކުރިއަށް އޮތް ހަފުތާ ކަނޑައަޅާފައި ވަނީ ޕްރޮފެޝަނަލް ޑިވޮލޮޕްމެންޓް ވީކެއްގެ ގޮތުގައެވެ. އެހެންކަމުން އެ ހަފުތާގައި ދަރިވަރުން ސްކޫލަށް ދާކަށް ނުޖެހޭނެއެވެ. އަދި އެއަށްފަހު އަންނަ މަހުގެ ނުވަ ވަނަ ދުވަހުން ފެށިގެން 18 ވަނަ ދުވަހާއި ހަމައަށް ސްކޫލު ބަންދުކޮށްފައި ވަނީ ރޯދަމަހުގެ ފަހު 10 އަކަށެވެ.