ކުރިއަށް އޮތް ލޯކަލް ކައުންސިލް އިންތިޚާބުގެ ވޯޓު ފޮށިތައް ބޭރުގެ އެއްވެސް ގައުމެއްގައި ނުބަހައްޓަނީ، މަތީ ތައުލީމު ހާސިލްކުރަމުން އަންނަ ދިވެހި ދަރިވަރުންގެ ވޯޓު ވެރިކަންކުރާ ޕީއެންސީއަށް ނުލިބޭނެކަން ޔަގީންވާތީ ކަމަށް، އިދިކޮޅު އެމްޑީޕީން މިއަދު ތުހުމަތުކޮށްފިއެވެ.

މިދިޔަ އަންގާރަ ދުވަހު އިލެކްޝަންސް ކޮމިޝަން (އީސީ)ން ވަނީ، ރިޔާސީ އިންތިޚާބާއި މަޖިލިސް އިންތިޚާބު އެއްކޮށްލުމާ ގުޅޭ ގޮތުން ޚިޔާލު ހޯދަން ނަގާ ފެންނަ ނުފެންނަ ވޯޓާއި، ކައުންސިލް އިންތިޚާބަށް ބޭރު ގައުމުތަކުގައި ވެސް އެއްވެސް ފޮށްޓެއް ނުބަހައްޓާނެ ކަމަށް ބުނެފައެވެ. އެ ދެ ވޯޓު ވެސް އޮތީ އަންނަ އޭޕްރިލް މަހުގެ ހަތަރު ވަނަ ދުވަހެވެ.

އީސީން ބުނީ ބޭރު ގައުމުތަކުގައި ފޮށި ނުބަހައްޓަނީ، އެއްވެސް ގައުމެއްގައި ފޮއްޓެއް ބަހައްޓަން ރީރެޖިސްޓާ ވާން ޖެހޭ މިންވަރަށް މީހުން ރީރެޖިސްޓާ ވެފައި ނުވާތީ ކަމަށެވެ.

މައުޟޫޢުތަށް