ސަރުކާރުން ކުރާ ވިޔާނުދާ ކަންކަން ހުއްޓުވަން، އެންމެންނާ ގުޅިގެން މަސައްކަތް ކުރަން ބޭނުންވޭ: ޔާމީން
ސަން
28 ފެބްރުއަރީ 2026 | ހޮނިހިރު | 4:12
ރައީސް ޑރ. މުހައްމަދު މުއިއްޒުގެ ސަރުކާރުން ކުރާ "ވިޔާނުދާ'' ކަންކަން ހުއްޓުވުމަށް، އެންމެންނާ ގުޅިގެން މަސައްކަތް ކުރަން ބޭނުންވާ ކަމަށް ކުރީގެ ރައީސް ޢަބްދުﷲ ޔާމީން އަބްދުލްގައްޔޫމް ރޭ ވިދާޅުވެއްޖެއެވެ.
މާލޭ ސިޓީ ކައުންސިލްގެ މޭޔަރު ކަމަށް ވާދަކުރައްވާ، ނޭޝަނަލް ޓެންޑަ ބޯޑުގެ ކުރީގެ ޗެއާމަން އިސްމާއިލް ޒަރިޔަންދުގެ ކެމްޕޭން ހަރަކާތުގައި ރޭ ޔާމީން ވަނީ ބައިވެރިވެވަޑައިގެންފައެވެ.
އެ ޖަލްސާގައި ޔާމީން ވިދާޅުވީ، މި ސަރުކާރުގައި އިސްކޮށް ތިއްބެވި ބޭފުޅުންނަށް މިހާރު ކޮރަޕްޝަނާއި ތަރައްގީއާއި އިންސާފު ގާއިމުކުރުމަށް ވެސް މަސައްކަތެއް ނުކުރެވޭނެ ކަމަށެވެ. އެ ބޭފުޅުން ތިއްބެވީ އެއްވެސް ބާރެއް ނެތި، ''ނަގޫ ފިތިފައި'' ކަމަށް އެ މަނިކުފާނު ސިފަކުރެއްވިއެވެ.