ރާއްޖޭގައި އިންތިޚާބުތައް ގިނަވުމުގެ ސަބަބުން ރައްޔިތުން އަތުން ބޮޑެތި ހޭދަތައް ގޮސް އުފެދޭ ސިޔާސީ އޮއިވަރުގެ ސަބަބުން އިޖުތިމާއީ ކަންކަމަށާއި ސަރުކާރުގެ މަޝްރޫއުތަކަށް ހިޔަނި އެޅޭ ކަމަށާއި، މުޖުތަމައުގެ އަމަންއަމާންކަންވެސް ގެއްލޭ ކަމަށް، ފިޝަރީޒް މިނިސްޓަރު އަދި ވެރިކަންކުރާ ޕީއެންސީގެ ނައިބު ރައީސް އަޙްމަދު ޝިޔާމް މިއަދު ވިދާޅުވެއްޖެއެވެ.

މައި ދެ އިންތިޚާބު އެކުގައި ބޭއްވުމާ ގުޅޭގޮތުން ރައްޔިތުންގެ ޚިޔާލު ހޯދަން ނަގާ ވޯޓާ ބެހޭގޮތުން ޕީއެންސީން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޝިޔާމް ވިދާޅުވީ، އިންތިޚާބުތައް ގިނަވުމުގެ ސަބަބުން ރައްޔިތުން ހަގީގަތުގައި ކުރާ ޚަރަދު ބޮޑު ކަމަށެވެ.

ޝިޔާމް ވިދާޅުވީ، އެވަރެޖްކޮށް ކެންޑިޑޭޓެއްގެ މައްޗަށް ދޮޅު މިލިއަން ރުފިޔާ ޚަރަދުކުރެވިފައިވާ ކަަމަށާއި، 2009ވަނަ އަހަރު ބޭއްވި ރައްޔިތުންގެ މަޖިލީހުގެ އިންތިޚާބުގައި 455 ކެންޑިޑޭޓުން ވާދަކުރިއިރު، އެ އިންތިޚާބަށް ބެލި ކަމުގައިވިޔަސް ގާތްގަނޑަކަށް 782 މިލިއަން ރުފިޔާ ޚަރަދުކުރެވިފައިވާ ކަމަށެވެ.

މައުޟޫޢުތަށް