ރާއްޖެއަށް އަންނަން އޮތް އިތުރު 17 ފްލައިޓެއް ކެންސަލްކޮށްފި
ސަން
1 މާރިޗު 2026 | އާދިއްތަ | 11:58
މެދުއިރުމަތީގެ ގައުމުތަކުން ރާއްޖެއަށް ތަވާލުކޮށްފައި އޮތް 17 ފްލައިޓެއް ކެންސަލްކޮށްފިއެވެ.
އެމެރިކާއާއި އިސްރާއީލުން އިއްޔެއިން ފެށިގެން އީރާނަށް ހަމަލާ ދެމުން އަންނައިރު، އީރާނުން ދަނީ މެދުއިރުމަތީގައި ހުންނަ އެމެރިކާގެ އަސްކަރީ މަރުކަޒުތަކަށް ހަމަލާ ދެމުންނެވެ. އޭގެ ސަބަބުން އެ ސަރަހައްދުގެ ގައުމުތަކުގެ ވައިގެ ސަރަހައްދު ބަންދުކޮށްފައިވާއިރު، ރާއްޖެއަށް އަންނަ އެންމެ ގިނަ ފަތުރުވެރިން ދަތުރުކުރާ އެއާލައިންތައް ވަނީ ހުއްޓުމަކަށް އައިސްފައެވެ.
ވެލާނާ އެއާޕޯޓުގެ ފްލައިޓު ޝެޑިއުލްތަކުން އެނގޭ ގޮތުގައި، މާދަމާއަށް ތާވަލުކޮށްފައިވާ 17 ފްލައިޓެއް މިހާރު ވަނީ ކެންސަލްކޮށްފައެވެ. މިގޮތުން، ކެންސަލްކުރި ފްލައިޓުތައް ނިސްބަތްވާ އެއާލައިންތަކުގެ ތެރޭގައި، ގަލްފް އެއާ، އެއާ އަރަބިއާ، ފްލައިދުބާއީ އެއާވޭސް، ގަތަރު އެއާވޭސް އަދި އެމިރޭޓްސް ހިމެނެއެވެ.