އަންނަ އަހަރު ޖުލައިގެ ކުރިން، އައްޑޫގެ ކަރަންޓު މައްސަލައަށް ދިގުދެމިގެންދާ ހައްލެއް އަންނާނެ: ރައީސް
ސަން
7 މާރިޗު 2026 | ހޮނިހިރު | 11:59
އަންނަ އަހަރުގެ ޖުލައި މަހުގެ ކުރިން، އައްޑުއަށް ދިމާވެފައިވާ ކަރަންޓު ކެނޑުމުގެ މައްސަލައަށް ދިގުދެމިގެންދާ ހައްލެއް އަންނާނެ ކަމަށް، ރައީސް ޑރ. މުޙައްމަދު މުޢިއްޒު މިރޭ ވިދާޅުވެއްޖެއެވެ.
ވެރިކަންކުރާ ޕީއެންސީން އައްޑުއަށް ކަނޑައަޅާފައިވާ މެނިފެސްޓޯ "ދަ ގްރޭޓާ އައްޑޫ" ލޯންޗުކުރުމަށް ހެންވޭރު އާޓިފިޝަލް ބީޗުގައި ބޭއްވި ރަސްމިއްޔާތުގައި ރައީސް ވަނީ، އައްޑުއަށް ދިމާވެފައިވާ އެންމެ ބޮޑު އެއް މައްސަލަ ކަމަށްވާ ކަރަންޓު ކެނޑުމުގެ މައްސަލަ ދިމާވާން ފެށީ އެތައް ދައުރެއް ކުރިން ކަން ފާހަގަކުރައްވައިފައެވެ.
ރައީސް ވިދާޅުވީ، ކޮންމެ ސަރުކާރަކުން ވެސް އައްޑޫގެ ކަރަންޓު މައްސަލަ ހައްލުކުރާ ވާހަކަ ދެއްކި ކަމަށާއި، ނަމަވެސް އަމަލީ ސިފައެއް އެކަމަށް ނާންނަ ކަމަށެވެ.