ބާ ކައުންސިލާ ދެކޮޅަށް، ޒުންނަވާރު އެންމެ ފަހުން ސުޕްރީމް ކޯޓަށް
ސަން
8 މާރިޗު 2026 | އާދިއްތަ | 4:06
ބާ ކައުންސިލުން ދޫކޮށްފައިވާ ޕަބްލިކް ނޯޓަރީ ހިމެނޭ ސިއްކަ ގާނޫނާއި ގަވައިދާ ޚިލާފަށް ބޭނުންކުރި މައްސަލައިގައި ކުރިން ޖޫރިމަނާކޮށްފައިވާ ވަކީލު ޒުންނަވާރު ސަލީމް، އެންމެ ފަހުން ބާ ކައުންސިލާ ދެކޮޅަށް، ސުޕްރީމް ކޯޓާ ހިސާބަށް ހިނގެއްޖެއެވެ.
ބާ ކައުންސިލުން ދޫކޮށްފައިވާ ޕަބްލިކް ނޯޓަރީ ހިމެނޭ ސިއްކަ ގާނޫނާއި ގަވައިދާ ޚިލާފަށް ބޭނުންކުރި މައްސަލައިގައި ކުރިން ޖޫރިމަނާކޮށްފައިވާ ވަކީލު ޒުންނަވާރު ސަލީމް، އަދި އޭނާގެ އަންހެނުން މެހެނާޒް ޙުސައިން ބާ ކައުންސިލާ ދެކޮޅަށް ފުރަތަމަ މައްސަލަ ހުށަހެޅީ ހައިކޯޓަށެވެ. ހައިކޯޓުން އެ މައްސަލަ ރަޖިސްޓްރީކޮށް ނުދިނުމުން، ފަނޑިޔާރުންނާ ހިސާބަށް ވެސް އެ މައްސަލަ ޒުންނަވާރު ގެންދިޔައެވެ. އެކަމަކު ހައިކޯޓުގެ ފަނޑިޔާރުން ވެސް އެ މައްސަލަ ބަލައި ނުގަތުމުން ދެން ހުށަހެޅީ ސުޕްރީމް ކޯޓަށެވެ.
ސުޕްރީމް ކޯޓުގެ ރަޖިސްޓްރީގައިވާ ގޮތުން މި މައްސަލަ ހުށަހަޅާފައިވަނީ މިދިޔަ ހަފުތާގައެވެ. މި މައްސަލަ ސުޕްރީމް ކޯޓަށް ބަލައިގަތުމާމެދު އެ ކޯޓުން އަދި ގޮތެއް ނިންމާފައެއް ނުވެއެވެ.