ނުފުރުނު 164 އުމްރާވެރިންނަށް ހައްޖު ކޯޕަރޭޝަނުން ފްލައިޓެއް ޗާޓަރުކޮށް، މިރޭ ފުރުވާލަނީ
ސަން
8 މާރިޗު 2026 | އާދިއްތަ | 3:45
ޢުމްރާއަށް ފުރަން އުޅެނިކޮށް، އެކި ސަބަބުތައް ދިމާވެގެން ނުފުރުނު 164 ޢުމްރާވެރިން މިރޭ ފުރުވާލާނެ ކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމް ޢަލީ ސައީދު މިއަދު ވިދާޅުވެއްޖެއެވެ.
މިދިޔަ ބުރާސްފަތި ދުވަހު ޝަހީމް ވިދާޅުވި ގޮތުގައި، އެކި ކުންފުނިތަކުން ޢުމްރާއަށް ދިއުމަށް އުޅުނު ބައެއް މީހުންނާއި، ޓްރާންސިޓްކޮޮށް ފުރަން އުޅުނު ބައެއް މީހުންގެ ފުލައިޓު ކެންސަލްވުމުގެ ސަބަބުން، ނުފުރި ތިބި މީހުންގެ ތެރެއިން އުމްރާއަށް ފުރަން ބޭނުންވެފައި 150 މީހަކު ތިބި ކަމަށެވެ.
އެ މީހުންނާ ގުޅޭ ގޮތުން، އެކްސްގައި މިއަދު ކުރެއްވި ޕޯސްޓެއްގައި ޝަހީމް ވިދާޅުވީ އެ އަދަދު މިހާރު 164އަށް އަރާ ކަމަށެވެ. އަދި އެ މީހުން މިރޭ އުމްރާއަށް ފުރާ ގޮތަށް ހަމަޖެހިފައިވާ ކަމަށް އޭނާ ވިދާޅުވިއެވެ.