ތަރުހީބު ކުޑަވުމުން، ޕެންޝަން ބޯޑަށް މެންބަރަކު ހޯދަން ތިންވަނަ ފަހަރަށް އިއުލާނުކޮށްފި

ސަން

9 މާރިޗު 2026 | ހޯމަ | 12:54

ތަރުހީބު ކުޑަވުމުގެ ސަބަބުން، ޕެންޝަން އޮފީހުގެ ބޯޑަށް ޕްރައިވެޓް ސެކްޓަރުގެ މެންބަރަކު ހޯދަން ތިންވަނަ ފަހަރަށްވެސް ޕެންޝަން އޮފީހުން އިއުލާނުކޮށްފިއެވެ.

ޕެންޝަން ބޯޑުގައި ޕްރައިވެޓް ސެކްޓަރު ތަމްސީލުކުރައްވާ މެންބަރުގެ މަގާމު ހުސްވީ، އެ މަގާމުގައި ހުންނެވި ސަރުވަޝް އާދަމް، މިދިޔަ އޮކްޓޫބަރު މަހުގެ 22ވަނަ ދުވަހު އިސްތިއުފާދެއްވުމުންނެވެ.

ޕެންޝަން އޮފީހުން ގެޒެޓުގައި ހާމަކޮށްފައިވާ ގޮތުގައި، އެ އިދާރާގެ ބޯޑުގައި ޕްރައިވެޓް ސެކްޓަރު ތަމްސީލުކުރާ ހަތަރު މެންބަރުންގެ ތެރެއިން އެއް މަގާމަށް ކުރިމަތިލުމަށް ހުޅުވާލި ފުރުސަތުގައި، ޝޯޓްލިސްޓުކުރަން ބޭނުންވާ އަދަދަށް އެކަށީގެންވާ ވަރަށް ތަރުހީބެއް ނުލިބުނެވެ.

މައުޟޫޢުތަށް