ލެޕްޓޮޕް ދަބަހެއްގައި ފޮރުވައިގެން ރާއްޖެއަށް ޑުރަގު އެތެރެކުރި ބިދޭސީއަކު އުމުރަށް ޖަލަށް
ސަން
9 މާރިޗު 2026 | ހޯމަ | 7:46
ލެޕްޓޮޕް ދަބަހެއްގައި ފޮރުވައިގެން ރާއްޖެއަށް މަސްތުވަތާތަކެތި އެތެރެކުރި ބަންގްލަދޭޝް މީހަކު އުމުރަށް ޖަލަށްލާން ކްރިމިނަލް ކޯޓުން ހުކުމްކޮށްފިއެވެ.
މިއީ، އެމްޑި ސޮހަބް މިއާ ކިޔާ ބަންގްލަދޭޝް މީހެއްގެ މައްޗަށް ދައުލަތުން ދައުވާކުރި މައްސަލައެކެވެ. މި މައްސަލައިގައި ދައުލަތުން އެ މީހާއާ ދެކޮޅަށް އުފުލާފައިވަނީ ޖަދުވަލު އެކެއްގައިވާ މަސްތުވާއެއްޗެއް ދިވެހިރާއްޖެއަށް އެތެރެކުރުމުގެ ދައުވާއެވެ.
ކުރިން 2024 ވަނަ އަހަރުގެ ޖުލައި މަހު ކޯޓަށް ހުށަހެޅި މި މައްސަލަ ނިމުނީ މިދިޔަ ހަފުތާގައެވެ. ދޮޅު އަހަރެއްހާ ދުވަސް، ކޯޓުގައިވީ މި މައްސަލައަކީ 2024 ވަނަ އަހަރުގެ ޖޫން މަހު، އެމްޑީ ސޮހަބް މިއަ، ޔޫއެސް ބަންގްލާ ފްލައިޓަކުން ބަންގްލަދޭޝްއިން މާލެއަށް އައިއިރު، އޭނާ ގެނައި ލެޕްޓޮޕް ދަބަހެއްގެ ތެރޭގައި ފޮރުވައިގެން މަސްތުވާތަކެތި ގެނައި މައްސަލައެވެ.