މިއަދު އިއްޔެއަށް ވުރެ ވައި ނުސާފު
ސަން
10 މާރިޗު 2026 | އަންގާރަ | 10:07
ޕީކް ދުވަހަކަށް ވާތީ އިއްޔެއަށް ވުރެ މިއަދު ވައި ނުސާފު ކަމަށާއި މާދަމާއިން ފެށިގެން ރަނގަޅުވާން ފަށާނެ ކަމަށް މޫސުމާ ބެހޭ ގައުމީ އިދާރާ މެޓް އޮފީހުން މިއަދު ލަފާކޮށްފިއެވެ.
އައިކިއުއެއާއިން ދައްކާ ގޮތުގައި، މާލެ ސަރަހައްދުގައި މިއަދު ވައިގެ ސާފު މިން ހުރީ 150އިން މަތީގައެވެ. އެއީ، އިއްޔެއަށް ވުރެ ނުރައްކާ މިންވަރެއް ކަމަށްވާއިރު، ރާއްޖޭގެ ގިނަ ސަރަހައްދުތަކަށް މިއަދު ވައި ނުސާފެވެ.
އެގޮތުން، އުތުރުން ކުޅުދުއްފުށި ސިޓީގައި ވައިގެ ކޮލިޓީ ހުރީ، 153ގައި ރަތް ސަމާލުގައި ކަމަށްވާއިރު، ދ. ކުޑަހުވަދޫގައި ވައިގެ ކޮލިޓީ ހުރީ ނުރައްކަލުގެ އޮރެންޖު ސަމާލުގައެވެ.