ގެވެށި އަނިޔާއަށްފަހު 5 ދަރިން ބަލަން ޖެހިފައިވަނީ ވީރާނާވެފައިވާ ގެއެއްގައި؛ މި އާއިލާއަށް އެހީވާން ފުރުސަތެއް
ސަން
12 މާރިޗު 2026 | ބުރާސްފަތި | 12:04
ގެވެށި އަނިޔާ ތަހައްމަލުކޮށްފައިވާ އިތުރު އެކަނިވެރި މަޔަކަށް ގެއެއް އަޅައިދޭން މަމްސް އެއިޑުން ފައިސާގެ އެހީ ހޯދުމުގެ މަސައްކަތް ފަށައިފިއެވެ.
މަމްސްއެއިޑުން ބުނި ގޮތުގައި މި ފަހަރު އެ ޖަމިއްޔާގެ "ހިޔާވެހި ކެންޕެއިން"ގެ ދަށުން ފަންޑްރައިޒްކުރަން ހުޅުވާލާފައި ވަނީ، އެ ޖަމިއްޔާގެ ކެއާ ލިސްޓުގައި 2023 ވަނަ އަހަރުން ފެށިގެން ރަޖިސްޓާކޮށް، އެކި ކެންޕެއިންތައް މެދުވެރިކޮށް އެހީ ފޯރުކޮށްދީފައިވާ، ފަސް ކުދިންގެ މަޔަކަށެވެ.
މަމްސް އެއިޑުން ވަނީ އެ މަންމަގެ ދިރިއުޅުމުގެ ހާލަތު، ފުލުހުންނާއި ރަށު ކައުންސިލާއި ކޯޓުގެ އިތުރުން ދެ ފަރާތުގެ އާއިލާއާއި ގާތް މީހުންގެ ފަރާތުން ވެރިފައިކުރުމަށްފަހު ވަރަށް ތަފުސީލުކޮށް ކިޔައިދީފައެވެ.