ދަރިންނަށް 2 އަހަރު ވަންދެން އަންހެން މުވައްޒަފުންނަށް ހުސް ވަގުތު ލިބޭ އިސްލާހު ތަސްދީގުކުރައްވައިފި
ސަން
14 މާރިޗު 2026 | ހޮނިހިރު | 9:57
ކުދިންނަށް ދެ އަހަރު ވަންދެން, މުސާރައިން ނުކެނޑޭ ގޮތަށް އަންހެން މުވައްޒަފުންނަށް ދުވާލަކު ދެ ފަހަރަށް ބައިގަޑިއިރުގެ ހުސް ވަގުތުކޮޅެއް ލިބޭ ގޮތް ހެދުމަށް ވަޒީފާއާ ބެހޭ ގާނޫނަށް ހުށަހެޅި އިސްލާހު، ރައީސް ޑރ. މުޙައްމަދު މުޢިއްޒު މިއަދު ތަސްދީގުކުރައްވައިފިއެވެ.
މި އިސްލާހު ތަސްދީގުކުރުމާ ހަމައަށް، ވަޒީފާއާބެހޭ ގާނޫނުގައި ވަނީ، ކުދިންނަށް އެއް އަހަރު ވަންދެން، މުސާރައިން ނުކެނޑޭ ގޮތަށް އަންހެން މުވައްޒަފުންނަށް ދުވާލަކު ދެ ފަހަރު ބައިގަޑިއިރު ހުސްކުރެވޭނެ ކަމަށެވެ. ސަރުކާރުގެ ފަރާތުން މަޑަވެލި ދާއިރާގެ ޕީއެންސީ މެންބަރު މުޙައްމަދު ޝަމީޒު ވަޒީފާއާބެހޭ ގާނޫނަށް ހުށަހެޅުއްވީ އެއް އަހަރު ދެ އަހަރަށް ބަދަލުކުރުމަށެވެ.
މިދިޔަ އާދީއްތަ ދުވަހު ބޭއްވި މަޖިލީހުގެ ޖަލްސާގައި، ވޯޓުގައި ބައިވެރިވި 62 މެންބަރުންގެ އިއްތިފާގުން ވަނީ ބިލު ފާސްކޮށްފައެވެ.