ޢުމްރާއަށް ގޮސް ހުރި އުމުރުން ދުވަސްވީ ދިވެއްސަކު މަރުވެއްޖެ
ސަން
14 މާރިޗު 2026 | ހޮނިހިރު | 10:40
ޙިޖާޒު ކުންފުނީގެ ފަރާތުން މި ރަމަޟާން މަހު ޢުމްރާއަށް ދިޔަ ދިވެއްސަކު މައްކާގައި މިރޭ މަރުވެއްޖެއެވެ.
އިސްލާމިކް މިނިސްޓަރު ޑރ. މުޙައްމަދު ޝަހީމް ޢަލީ ސަޢީދު މީޑިއާތަކަށް ފޮނުއްވި މެސެޖެއްގައި ވިދާޅުވީ، މަރުވީ ގދ. ނަޑެއްލާއަށް ނިސްބަތްވާ ޢަލީ އިބްރާހީމްދީދީ ކަމަށެވެ.
މިނިސްޓަރު ވިދާޅުވީ، ޢަލީގެ ޖަނާޒާ މިރޭ ފަތިސް ނަމާދު ފަހުން ޙަރަމްފުޅުގައި އޮންނާނެ ކަމަށެވެ.