އަންނަ މަހުގެ ހަތަރު ވަނަ ދުވަހު ލޯކަލް ކައުންސިލް އިންތިޚާބު ބާއްވަން ތައްޔާރުވަމުން އަންނައިރު، މި އަހަރުގެ ފުރަތަމަ ދެ މަސް ތެރޭ ސަރުކާރުން ކައުންސިލްތަކަށް 422.7 މިލިއަން ރުފިޔާ ދޫކޮށްފައިވާ ކަމަށް ތަފާސްހިސާބުން ދައްކައިފިއެވެ.

މި މަހުގެ ފަސް ވަނަ ދުވަހުގެ ނިޔަލަ ދައުލަތުން ކޮށްފައިވާ ޚަރަދުތަކާ ގުޅޭ ތަފުސީލާއެކު ފިނޭންސް މިނިސްޓްރީން އާންމުކޮށްފައިވާ ތަފާސްހިސާބުން ދައްކާ ގޮތުގައި، މިދިޔަ އަހަރުގެ އެ މުއްދަތާ އަޅައިބަލާއިރު، މި އަހަރު ކައުންސިލްތަކަށް ފައިސާ ދޫކުރި މިންވަރު ވަނީ 18.1 ޕަސެންޓް އިތުރުވެފައެވެ. އެގޮތުން، މިދިޔަ އަހަރުގެ މާރިޗް މަހުގެ ފަސް ވަނަ ދުވަހުގެ ނިޔަލަށް ކައުންސިލްތަކަށް ހިލޭ އެހީގެ ގޮތުގައި ދޫކޮށްފައިވަނީ 357.9 މިލިއަން ރުފިޔާއެވެ.

ކައުންސިލްތަކަށް އެންމެ ފުރަތަމަ ބްލޮކް ގްރާންޓް ދޫކުރަން ފެށީ 2020ވަނަ އަހަރެވެ. އެގޮތުން، ބްލޮކް ގްރާންޓްގެ ގޮތުގައި ކައުންސިލްތަކަށް ދެނީ ދައުލަތުގެ އާމްދަނީގެ ފަސް އިންސައްތައެވެ.

މައުޟޫޢުތަށް